* حبيب ذهب ومش هاشوفه للابد *
كنت قاعده لوحدي
فجأه
لقيت قلبي بيدق دقه
وبتنزل دموعي علي خدي
وعقلي بيكدب ويقول لأ
قلبي زاد إحساس
وإفتكرت أغلي الناس
بابا يانور عنيا
يا أحلي حاجه ليا
بابا روحت فين وسبتني لوحدي
أنا محتاجه حضنك الحنين
روحت فين دا أنت كنت أملي
وكان قلبك عليا هين
كنت بتزعق وتشتم
بس في الآخر قلبك طيب
غرقانه في بحر أحزان
وبابا سابني وراح لمكان
في الوقت اللي محتاجه فيه حب وحنان
والحياه بدونك ملهاش معني
ومعاتش فيها فرحه تجمعنا
كنت حبيبي وكنت روحي
وكنت بتنسيني جروحي
كنت بتتحمل دلعي
وكنت عقلي وبوحي
كنت لما أزعل ألاقيك في حضني
نفسي اشوفك ولو للحظه وأقولك سامحني
كنت لما أتعب ألاقيك جنبي
وتجري بيا وتعالجني
بأقول لنفسي ياريتني كنت قبلك
وبأرجع أقول تاني كويس اللي انت قبلي
ودا أكيد أحسنلك
عشان متشوفش العذاب اللي انا فيه دلوقتي
كنت كل ما أسمع صوتك أطنطت
وأقوم وأجري وأنسي واجبي
وأجري في حضنك وقلبي يزقطط
وتقول كلمه لأجلي
بحبك يابنت قلبي
وفي حاجه فرحتني
إن الناس حقيقي بتحبك
نفسي الزمن يرجع بيا عشان أقابلك
أنت كنت طهري وسندي
بس دلوقتي بقيت لوحدي
الحياه بدونك متسواش
بأتعذب فيها وأتألم
نفسي أشوفك قدام عنيا
وحشتني يا كل ما ليا
وحشتني يا كل ما ليا
# الكاتبه/ إيمان أحمد
تعليقات