....موت انسان علي قيد الحياة ......
مبقتش محسوبه خلاص يعني نسيتوني
نسيتوا اسمي وشكلي وضحكي معاكم
نسيتوا وجودي
خلاص يعني مليش لازمه
كأني صوره علي الحيط مبقتش فارقه
بمشي وكأني مش باينه
وضحكتي مبقاش ليها لزوم
بقت باهته
كلامي كله مرسوم مفيش ودان سامعه
نسيوني قبل ماأموت وكأني مش عايشه
وقال ايه كنت جايه اسأل
سؤالي كان لو مت هتفضلوا فاكريني
هكون مذكوره في القاعده ولا هتضحكوا من غيري
اتاري الكل نسيوني
مبقوش يحبوني
او مكانوش يحبوني
هسيبكوا وهسيب الدنيا بأكملها
هسيب مكاني لحد جديد يكون افضل
اسفه
اصلي مكانش مكاني من الاول
انا الغلطه
انا الغلطه في وسط اللمه
انا المختلفه وسط صحابي
انا الغلطه اني جيت علي الدنيا
مكانش مكاني من الاول
سألت القبر وقولت يا قبر الاقي مكاني ولا مكاني محجوز لناس افضل
قالي تعالي اركبي ومحطتك كده كده جايه
قولت والله دانا غيه
بقلمي نورا كمال السيد(ظلام النهار)
تعليقات