*الأم الحنونه الطيبه*
النهارده هأقول كلام
هأقول كل اللي في قلبي
لحد إتحمل كل الآلام
إتحمل وجعي تسع شهور
ورغم كدا كان بيقول أنا تمام
ويوم ما فتحت عيني علي الدنيا
ملقيتش غيرها حواليا
أول إسم نطقته
كان اسم أمي روح قلبي ونور عنيا
عمرها ما حسستني في يوم بالحزن اللي في قلبها
ابتسامتها دايما علي طول في وشها
بتزعقلي من خوفها عليا
ونصيحتها دايما في كلامها ليا
بأقولها كلام كتير جارح
مينفعش إني أقوله للغاليين والقلب المسامح
بأجرحها دايما بكلامي
وقلبها طيب ومسامح ومش أناني
علمتني التسامح من صغري
علمتني إزاي أسامح مهما الناس اذاتني
دا أنا حتي فاكرة وأنا صغيرة لسه في اللفة
كانت بتعلمني المشي واحدة واحدة
وعيونها مش غايبة عني لحظه ولا حتي ثانية
علمتني إزاي أوصل لهدفي
مهما اتصعبت الأمور دايما واقفة جنبي
وبين أيديها واخداني
خايفة عليا من حد يئذيني تاني
ومهما روحت ومهما جيت
مفيش غيرك حبيت
مهما تعبتي وكبرتي وربيتي
عمرك ما يوم اشتكيتي
ولا قولتيلي روح يابني
دا أنت بقيت هم تقيل علي قلبي
بجد دي الأم عظيمة
بجد دي الأم عظيمة
متستاهلش مننا اللي أحنا بنعمله فيها
تستاهل اللي أحنا نوطي نبوس علي رجليها
وهي اللي ليها الفضل بعد ربنا بالمكانة اللي أحنا فيها
كنت بالنسبالها الأول سور
فضلت تبني فيه لحد ما بنت قصور
ومهما نقول ونعيد
هنتكلم عنها كتير
ومش هنقدر نوفيلها الجميل
ومش هنقدر نوفيلها الجميل.
*بقلم /إيمان أحمد « ايمي»
تعليقات