حوار مع الكاتبة :مني عبداللطيف

قال بيكاسو: أتقن القواعد كمحترف، حتى تتمكن من كسرها كفنان. 

والكاتبة فن لا يتذوقه سوا قارئ جيد. 

لذلك يسعدني أن يكون حواري الخاص مع

الكاتبة :مني عبداللطيف 

♡حدثني عن نفسك: 

اسمي :مني كمال تانيه آداب انجليزي من الفيوم عندي عشرين سنه  

انا بنت عاديه جدا، بحب اقرأ واكتب، بحب الهزار والضحك، بحب استمتع بالحياه وجرب اي حاجه علشان اقرر اذا كانت صح او غلط وتنسبتي ولا لا 

♡كل منا لديه بداية فكيف كانت بداية طريقك ككاتبة :

الموضوع بدأ معايا بأن صاحبتي دخلتني جروب مواهب ولما دخلت كان فيه مسابقه وبما اني بحب اجرب دخلت فيها وكانت عباره عن صوره وانت بتكتب حاجه تدل على الصوره دي وساعتها كسبت في المسابقه، بس مهتمتش اوي بصراحه وبعديها بسنتين لقيت صاحبتي الكاتبه ألاء الشاذلي باعته لينك لجروب علشان نتفاعل مع الكومنت بتاعها وقولت اجرب يمكن أنجح وفعلا جربت ونجحت ومن بعديها كان هو الخطوه الأولى ليا و الاء دخلتني جروب تبع كتاب وكده وبدأت اكتب واول كتاب شاركت فيها كان كتاب المجهول وراء كل سطر تحت اداره الكاتبه جهاد محمود وإشراف الكاتبه ألاء الشاذلى و منه الخطيب وآمنة احمد وبجد كانت بداية جميله جدا 

♡ما هي أفضل ألوان الكتابة بالنسبة لك: 

مش عندي لون معين انا بكتب في كل حاجه، بس ممكن يكون الحزن او النصح لاني بلاقي نفسي فيهم 

♡ما هو شعورك و انت في هذه المرحلة: 

فخوره بنفسي اني قدرت احقق ولو انجاز صغير بس ان شاء الله البذره اكيد هتكون شجره في يوم من الايام 

♡كيف كان الدعم من عائلتك و أصدقائك: 

بالنسبه لعائلتي فأنا ماحبتش اقولهم إلا لما اشوف النتيجه ايه، ولما عرفوا كانوا فرحانين جدا وفاخورين بيا وبيشجعوني دايما ، اما اصحابي فدول بجد اخواتي ودايما كنت بشاركهم كل حاجه وباخد رائيهم في كتاباتي وكانوا احسن دعم، بجد شكرا ليكم واحب اقولكم اني بحبكم اوي 

♡هل هناك ما يشعرك بأن مجال الكتابة مجال مؤقت: 

لا طبعا، بما ان الانسان فيه نفس وعنده الموهبه مستحيل ينتهي من الكتابه 

♡من هو مثلك الأعلى في المجال وخارجه: 

امي اول مثل ليا في كل حاجه، واحب اقولها اني بحبك اوي وربنا يحفظك ليا ياقلبي 

في المجال فيه الاستاذ احمد خالد توفيق، الاستاذ اداهم شرقاوي، الاستاذ احمد يونس، خوله حمدي وغيرهم من الكتاب الرائعين بس يعتبر دول الي قرأت أعملهم وحبيتهم 

♡من هو شخصك المفضل الذي تنسب إليه نجاحك: 

امي 

♡ما هو رأيك في السلبيات التي توجه إليك من البعض: 

بصراحه مفيش سلبيات وحهتني لحد الان، بس لو وحهتني هحاول اثبت عكس الي بيقولوه ولو ما اقتنعوش مش هادي ليهم اهتمام 

♡ما هي خططك المستقبلية: 

احقق انجاز اكبر في المجال ده وانت افكار جديده 

♡هل تود إضافة شيء آخر: 

عايزه اقولك لكل حد شجعني ودعمني في طريقي انت بجد نعمه في حياتي وشكرا ليك وبحبك اوي 

♡وجه كلمة للمبتدئين من خلال حوارك هذا: 

ما تخليش حاجه تقف في طريقك، ممكن تلاقي حد يقولك ايه ده ودي كتابه معلش استحمل واكيد هتوريهم انت هتكون ايه بعد كده، وكمان اكتب الي بتحسه وعيش واقع الحروف في كتاباتك وعبر عن نفسك وربنا معاك ويوفقك 

♡ما رأيك في الحوار والجريدة:

الحوار جميل جدا والجريدة رائعه وشرف ليا اني اتعملت معاكم  

وفي الختام نرجو من الله التوفيق للجميع والسلام عليكم ورحمة الله وبركاته 

~جريدة: بأقلام الواقع

~المؤسسة: جهاد محمود 

~المحررة: آية الشاذلي